Kampong Jengkol

Oyen demen dah idup di Kampong Jengkol, Kampong nyang konon katanya gemah ripah loh jinawi toto tentrem kerto raharjo (iki betawi opo Jowo toh jane :mrgreen:), trus orang bilang tanah kite tanah surge, tongkat kayu dan batu jadi tanaman, bikin betah, itu mangkanye dulu Belanda, Jepang pada demen main di mari, main lompat tali, main petak umpet, main bola, main perang-perangan mpe perang beneran juga pernah.

kampung jengkolKampong Jengkol entu kampong penghasil Jengkol terbesar di dunia, itu mangkanye banyak nyang demen pengen nguasain ni kampong, untung Oyen dikit-dikit bisa kung puw, walau cuman jurus ”TENDANGAN TANPA KAKI”, hasil sedikit modipikasi tendangannya Wong Fei Hung. Oyen paling kagak demen sama sapa aja nyang mo ngerongrong kampong Jengkol, gak basa-basi, siapapun harus angkat kaki!! Getu pesen Eyang buyut Oyen nyang kata babe ikut berjuang ngusir kumpeni Belanda, ngusir keluar pintu mangsudnye.

Kampong Jengkol juga kampong Muslim terbesar sedunia, mangkanye Oyen dkk getol pengen agar Syariah Islam bisa diterapin di kampong ini, pan bisa jadi rohmat seluruh ngalam tuh, buat sapa aje, kagak Muslim dowang, kate Allah entu…, kalo lo kagak percaya berarti lo juga kagak percaya Allah dong, iye paan…

Tapi lo kagak usah kuatir, biarpun namanye Kampong Jengkol, tapi bauknya kagak bauk Jengkol, tapi bauk minyak, emas, perak, gas alam, dollar, maklum…kaya getu loh, mangkanya tuh idung bule nyang mancung-mancung pada ngiler, padahal baru denger baunya doang loh….gimana kalo nyicip yah, bisa betah trus gak pulang-pulang deh. Masih mending kalo masih belagak tamu di mari, kalo udah belagak tuan, lo bisa bayangin kan entar kite-kite bisa dapet ape? Entu mangkanya Oyen dkk udah dilatih waspada sama Bang Napi, biar kagak salah langkah, bisa-bisa kekayaan Kampong Jengkol pindah pelan-pelan tanpa ketauan, sory la yauw….

Kampong Jengkol juga strategis loh, dikelilingi dua sungei, sungei madu sama sungei susu. Trus dikempit sama dua Kampong, Kampong Pete sama Kampong Terasi, mangkanya banyak pedagang nyang suka singgah di mari, banyak ketemu di mari, kalo kata pengshui bawa hoki. Hmmm, emang nikmat yak idup di kampong Jengkol.

Tapi jangan salah, akhir-akhir ini Kampong Jengkol sudah banyak kena pengaruh kampong-kampong bule. Maksiat makin banyak, korupsi makin jadi, gaul bebas, kumpul kebo, majalah porno, judi, mabok, prostitusi, riba, homo, lesbi, waria, sirik, takhayul, udah makin marak, hmmm…Oyen dkk jadi takut juga kalo-kalo Allah nyabut berkah ni kampong, walhasil bisa-bisa ngehalalin bencana sama ni kampong. Entu mangkanya Oyen dkk keukeuh pengen tuh maksiat dibabat abis sama aturan Allah, biar berkahnya balik lagi, getuuu…

Yah, inilah Kampong Jengkol, kampong tempat Oyen, Jenab ma Munaroh idup…kalo kampong Lo kayak apa sob, mirip kagak?..ho..ho.. :D

Blog, Updated at: 23.54

0 komentar:

Posting Komentar